Life as a 2 hit 6

看題目就知小的要發癲了﹗哈哈哈﹗一看就知小的又誤焦點了… 
真係日頭唔好講人夜晚唔好講鬼，舊文說過係咪要再睇多次《秘密花園》看看有何精妙之處，卒之呢水無啦啦好想翻看(好了，是因為上圖的圖中人既…XD)
 

南舜君係識張彗星的嗎？人家用個影唔到犯案過程的相入了閔俊國的罪，你就扮拍了片嚇走了吳正浩一干人等…XDDD
 

好緊張好緊張﹗本來想睇到尾先出文讚美的，但見到呢一幕我真係忍不住我的激動了﹗見到崔律師又係姓崔時都仲諗…「呀~~~佢客串啫」…典知見到回音…我爆笑了﹗怎麼啦﹗《紳士的品格》呀﹗ 
 

本來想去瞓覺的了，但見到有關《回答吧1994》的事情又好奇走去看一吓(圖也是出自上述LINK的說)

《回答吧1997》我都仲叫因為睇了《愛情雨》而識徐仁國，但呢個《1994》…我是一個都唔識﹗囧﹗

而故仔講的上京故事，我也是沒有同感的了，唔知仲會唔會好似《1997》咁有個超級粉絲的呢？1994年又其實有乜團係HIT緊？一個謎﹗
但見劇中人啲造型…無啦啦縛件格仔裇衫喺腰度呢吓真係好想死地有同感﹗哈哈哈﹗救命呀﹗我當年係有架…貢工人褲呢？都應該HIT緊架…雖然我個人娘。

好了，劇集10月18日播，排隊LIST又要多一部了(我在等李潤城的《繼承者們》啊﹗但我想知佢高頭大把又點去做高中生呢？比李鍾碩喺《聽見你的聲音》扮高中生更強大喎﹗

突然間在諗，究竟《1994》的主角們94年出咗世未？(泣奔)而，唔知泡菜國學界書包風潮跟香港有幾遠？如果泡菜國都揹文中的袋就實在太爆了﹗
************************************************
上次睇《1997》年時都諗了一諗我的1997包括了甚麼…UM，回歸啦、陳妖LONE既《心理遊戲》啦(如果我無記錯好似係97年出的？)、古巨LEI《歡樂今宵》/《皇家反千組》、陳奕迅《與我常在》定《我的快樂時代》呢…UM，雖然更重要的是KINKI出道啊﹗但97年我未鐘意佢地…XD。UM，當年安室奈美惠仲係社會現像的說…呀，我的萬年最愛日劇《長假》係96年架喎…97年的係《beach boys》…但我唔鐘意呢套…

再懷古啲，1994年…

篇看在前面文寫於3月16日…成3個半月前了﹗而文中連住寫的另外兩部劇都ko咗好耐…幾經辛苦…小的終於都睇到恩浩公子，完成一條龍的偉業啦﹗嘩哈哈哈哈…呃…咁我的看點…係誤焦點咗…呃…個故仔…我以為我睇緊《耀舞長安》囉﹗
 

其實呢，自從發癲的《愛情雨》周記後小的諗住都應該唔會有劇令我想每周都發吓文…但…有喎﹗真係忍唔住要講兩咀係啦，首先係呢場4對眼你眼望我眼…好好笑﹗(咦…我係咪應該改口叫番呢套劇做《dr. 煎》？)

首先我想吐嘈的是，敏英姐姐啲戲真係…獨沽一味「碌大對眼」，當佢成個頭淨番對眼時…um，我明白得番對眼交戲係好困難既…但…使唔使碌到咁大呀﹗

仲cap唔cap好呢…其實都無所謂啦…呢套劇的文由第一篇無乜圖去到中間超多圖，再去番一個無圖的文字版，幾有想像空間(也就是說中間的劇情空洞得我想寫也沒甚麼好寫囉﹗)…哈 哈…，好啦，其實大結局算是洗清之前的恐怖感，強烈覺得第9集之後直飛19,20集…會好開心…XD未cap圖，先來一個文字版…


除了尾段每集一知有啲野係一路都無人知而又有人知咗之外，繼續都係老女巫同男巫發功，我決定取消小女巫的女巫稱號，因為佢真係無乜作為，而老女巫應該同男巫結婚，佢地真係太襯了﹗

如果說一心去看的 看得我失望連連(除了有起色的第5至9集…)，那麼這套純粹係唔爭在睇埋的就係驚喜不斷…大結局這兩集更係令小的神心到要早早沐浴更衣開機睇，之後今朝仲 可以早起(係早起喎﹗幾年無試過啦﹗)在回到公司前看畢整集第20集…懷著歡樂心情完全happy Friday的工作囉~咦…咁我算唔算爆了大結局？﹗哈哈…劇透呀吓﹗
係啦，唔爭在睇埋的意思就係開播的時候剛剛煲完《成均館》嘛，見有天哥哥又係做古裝喎，加之於古人穿越到現代一定好笑架，係啦，一開始我expect這是一套笑劇嚟架，仲要一個王世子唔夠加埋黃藍綠三叔(三叔？﹗)…笑死我﹗
有天哥哥放笑彈威力好強，比起佳郎，王世子除了要攪笑仲要一時威嚴一時情深仲要rpg埋現代版泰勇…佢老哥演技真係進步神速喎﹗好強…大結局朴荷讀300年前王世子留俾佢既信時看得我都想哭了…(雖然我唔明點解300年過後張紙無事既？﹗)
綠叔估唔到竟然就係《成均館》泮村偷野個didi，真係士別三日，作為聰明的文官，佢除了最快適應現代生活(嚟到無耐識畫番個車牌出嚟﹗有無勁啲…)…大 結局佢已經可以神速地打字…佢都係穿越了嚟現代幾個月咋喎﹗)…而藍叔成日三間喺頭(因為佢講錯野﹗)、反白眼、v字手…因為佢硬漢外型份外攪笑…(睇睇 吓佢有啲王俊棠feel)…原來佢係武師出身，唔怪得啲打鬥場面咁勁啦…黃叔…好可愛…同埋編劇係咪特登架，一開始佢扮女人，喺醫院將真泰勇和王世子掉包時佢又扮俏護士(仲幾靚女添…)…
始料不及是笑片之外仲要係偵探片，先要紅黃藍綠四人穿越到現代後就查世子妃被殺事件(其實我都係唔明點解佢地會覺得王世子跟現代世子妃世娜結婚就能解開被 殺之謎？難道佢地覺得世娜會再「被殺」多次？)，跟住又要查泰勇被害之謎，then又有奶奶被殺，好忙喎﹗古代就話王世子老婆遇害所以想親自查明究竟，現 代都繼續係王世子自己嚟，呃，其實我想問咁啲警察究竟做乜既呢？連同《瑪麗》唔知點解無缺被綁不了了之，《城市獵人》金檢察官查案多過警察查…一路睇泡國劇一路疑惑…咁泡國差人係做乜架？(舉手﹗指揮交通﹗)
中間仲要貫穿埋王世子和朴荷的愛情線，好豐富囉﹗又真係無乜悶場，有笑有淚有緊張有激氣的，仲要無啦啦整多個張會長出嚟爆出世娜和朴荷複雜到不能的身世， 但編劇大人都算能完滿地將謎團擺完又解(咦，朴荷睇歷史書睇到喊，係咪因為知道自己前生((雖然當時王世子仲未aware到佢就係芙蓉))會死掉？而王世子可以拆解成個世子妃「被殺」之謎係咪在現代睇完歷史書嚟？)…至激氣咪二男泰武和世娜囉，佢兩個真係衰事做盡…睇到我差點想打爆個芒…好在世娜最後總算良心發現(不過世子妃在王世子揭穿佢成家的陰謀後叫王世子放過佢唔關佢事真係好討厭耶﹗)…呃…但無交代佢地最後點？判幾多啫？(我認真咗？又說，王世子在末段因為自己就快回朝鮮成日變透明，仲詭異地穿越埋boom牆飛身去簽奶奶的遺囑時…啲差人唔追究佢「逃獄」啦？仲可以同佢合作一齊捉泰武既？﹗好詭異 ﹗)
咦…咁其實古代花蓉同武將軍有無關係既呢？但芙蓉真係死了，王世子好慘啊﹗只能思念在現代的朴荷…呃，懸念1：點解芙蓉吃下了有毒藥的柿餅可以同姐姐對調衣服，寫向王世子訴心思的書信仲要收好在畫後，走咁大段路先毒發？咩毒嚟架﹗砒霜喎﹗《包青天》告訴我一食即死架喎﹗ 懸念2：跟現代朴荷送postcard又約佢的人是泰勇吧？典解佢又會可以同王世子心意相通？﹗不過都好既，朝鮮王世子有黃藍綠三寶整蛋包飯(臨尾卒之有番笑位﹗)俾佢頂住相思之苦，現代朴荷苦命了19集總算有個人可以陪在身邊過吓好日子了…
呃…其實我想問，出電話卡唔使身份證呀咁？定係黃藍綠三叔一路都係用普通用完就再topup錢的電話卡？﹗(我認真咗？咁王世子就話可以用泰勇身份啫…)…同埋佢地喺奶奶公司就職…邊到嚟身份證明呀？﹗(我又認真咗？)
雖然中間係有啲不明所以的地方…不過都瑕不掩瑜既…唯一最難受的是啲置入式行銷太可怕了，kiss麵、三叔加力士碌、百貨公司和咖啡店，除了個麵無再點出現，而百貨公司因為故事無乜講公司野也再無乜出現，加力士碌跟咖啡店卻像冤鬼纏身，部機send sms和打電話都算啦，仲要show埋你點用佢啲獨門app，由load到整到成品俾晒你睇；那家咖啡店最後變了朴荷的果汁店…好煩呀﹗完全唔會令我想幫襯佢地囉﹗
看我幾認真寫了一大篇﹗因為真係睇得好開心﹗仲有啲唔捨得佢完添﹗噢耶﹗(至於深深地煎熬我的《愛情雨》…都好似下星期完喎﹗快啲完鬼咗佢唔好煩呀﹗囧)
一開始的：[韓劇]《愛情雨》(1-2)、《屋塔房的王世子》(1-4)

係囉，笑吓咪好囉，苦口苦面喊苦喊忽了幾集，睇到我都想喊呀陰公﹗
 
呢集終於回復番一集一知了…

繼續夾死烏蠅…
(編劇大人)你明明知道會悶死我還要這樣嗎？
而我明明知道會悶死自己，還要繼續睇…係我衰﹗