出現了…哈哈哈哈哈…
房祖名頭呀﹗(雖然阿祖名已經無留呢個頭好耐…但作為佢signature到不行的髮型，不得不用佢個名命名囉呢個髮型…)而之前某人在北京時喺party同祖名相遇…仲喺微博度hihihi咁…哈哈哈…(其實我想問，認真的，係咪行成人禮或者考咗試先可以梳《成均館》那種有條head bang ban喺個頭度既髮型？)
哈哈哈，回味跟黃真伊相擁一刻個樣好好笑…(之後我諗起俊俊呢個樣和荷娜呢個樣，回味係咪都係常見劇情呢？)
我見阿佳郎個侍從順石身光頸令架喎，做乜恩浩呢位…好似咁lei fei既？﹗
而家睇到第3集…純粹cap圖一番…哈哈哈…以上。唔知之後會唔會有心機睇埋落去…恩浩公子好快就會一命嗚呼…到時…或許…連會如《樹大根深》咁無女林大人小的就唔睇了…哈哈哈哈。
um，咁之後可以去睇《秘密花園》了…博友們大推。
***************************************************************
上半part都在為某人花癡？﹗哈哈哈哈﹗雖說學藝一部份有啲《耀舞長安》，真伊和恩浩公子的初戀愛情故事就有啲《梁祝》feel，注定的悲劇嘛，就算有真伊媽和樂官大人幫手都係好事多磨終於二人都係不能出走，仲攪到病既病死既死，好慘…
恩浩公子，RIP…嗚
好《梁祝》呀﹗阿英台花橋經過山伯墳墓時個輪俾泥食住郁唔到，恩浩靈柩經過教坊時又突然郁唔到…嗚…好似係都要見真伊最後一面咁…
擾攘一輪真伊終於出嚟見恩浩最後一面，仲知道出走當晚原來係行首大人使橫手令二人不能相見…呢個哭別的場面哭死我了…
經過一段生離死別的初戀之後真伊立真決心做個隱藏自己感情的妓女，噢，佢話要向兩班貴族，令佢吃盡苦頭的那班人還以顏色，仲要向行首大人雙倍奉遠咁話，咦，有看點喎…話時話睇完恩浩公子呢段都去到第10集了…差唔多睇咗一半…唔爭在睇埋佢啫？﹗哈哈…
又唔爭在講埋，因為呢段悲慘初戀故事…小的分心無留心睇歐國盃決賽意粉隊點樣俾西班牙粉隊大炒4比零，好似無咁傷感囉啲波喪…唉…算啦…超額完成架啦…嗚…。係，我係一路睇波一路煲劇的，唔係點會一日睇到咁多集呀﹗哈哈哈…
電視撈飯 (4)
竟然比你睇埋 其實我有呢套野架...本來打算睇完8集收工 不過最後一集都無睇到..最近比左阿媽睇..再最後連阿媽都唔想睇...
我星期日夜晚等睇波開始睇，睇到完場就KO了8集…之後星期一瞓醒又睇多兩集…睇到第10集恩浩公子死咗…本來都覺得套劇OK可以再睇…不過諗諗吓都係算…無咗某人我無晒看點…就PAT埋一邊開始睇《秘密花園》…XDDDDDDDD
甘你覺得秘密花園好睇ma?
ok丫…不過真係覺得ok咁囉 我被吸咗去睇《紳士的品格》…哈哈
我睇睇下訓著左.... 我又覺得無人地講到甘好睇wo 紳士..其實我真心對四個大叔無興趣...
係？我覺得佢地啲互動好好笑，每每令我諗起阿部寬同佢套《不能結婚的男人》… 同埋一開頭啲片好爆笑…(唔通我麻甩了？)… 而宗泫條線又幾吊到我癮想知佢出嚟究竟做乜… dont健大叔和荷娜姐姐的愛情線就有啲悶…我會飛走荷娜姐姐啲戲份…哈…
荷娜姐姐就係有一種攝人fade out魅力!
於是套《寵物情人》榮登我至頂唔順作品榜第一位…(雖然係某人難頂啲) 唔知呢，成宥利扮cute我又ok…但荷娜姐我受唔住…佢喺度癲咗咁叫怎麼辦時我就快飛…
甘啊成宥利又後生D...個樣好似...甘都接受到的..但荷娜姐姐明明係女強人..又好難有說服力.. 唔..其實我地係咪將所有既錯都歸咎左係荷娜姐姐度...明明某人先係元兇..xd
我覺得兩個角色cute度傻度和天真度係一樣…(定係多數韓劇啲女角設定都係咁？) 荷娜姐姐個樣擺明係精明那種，加埋身高，好難想像佢係小鳥依人(雖然《紳士》度佢扮cute我覺得係扮但又唔係反感既…)… 係喎…某人賣萌賣到我頂唔順…我賴荷娜姐姐添…XDDDDD
可能因為東健哥哥震得住荷娜姐姐?? 拍埋去既時候感覺好d.. 係wo,我有一執橡筋既mask,你要唔要?
話說n年前我睇《無極》時恥笑咗張don't健好耐… 呢套野應該叫《麻甩的浪漫》，4個大叔啲互動好好笑，互串得嚟又肝膽相照，人生有個由細玩到大的朋友真係好呢… 都係…荷娜姐姐同張don't健襯啲… 哈哈…是蝸牛面膜嗎？？？好呀… 不過我就last day…之前個地址唔寄得了…
啊..我唔記得係咪蝸牛面膜了... 荷娜姐姐都係搵返佢果個層次既人啦... 你再比過第二個地址我啦甘~~
原來我唔記得回這個留言…囧囧囧囧﹗成半年了﹗哈哈哈哈
係喎!之前我執野果時搵返到橡根塊膜...我仲諗緊我唔係寄左比你啦咩??? 甘你仲要唔要????/HAHHAHA
啊…都好呀﹗哈哈哈﹗ (我暗pm番個地址俾你？)