繼續夾死烏蠅…(編劇大人)你明明知道會悶死我還要這樣嗎？
而我明明知道會悶死自己，還要繼續睇…係我衰﹗
雖然我會理解仁河叔受了30年的相思之苦係好慘，不過對住的唔係外人係自己個仔喎﹗佢已經俾咗個不幸的童年俊俊，而家仲要攪到俊俊差點就重蹈佢30年前覆轍嗎？佢差在未好似俊俊媽咁話唔係因為你就無呢段不幸婚姻咋喎…
我已數不清呢幾集出現過幾多次俊俊說唔好理咁多啦，荷娜說不能夠/對不起或咩都無講轉身就走…然後俊俊拉住佢隻手…THEN荷娜一野行咗去之後喪喊的畫面…
點解你地都要扮第一次…
呢集俊俊不停對荷娜使出獨門毒舌喎…
雖然冤口冤面，不過我幾鐘意啲對照，小呆對允熙係用油畫，俊俊對荷娜係用相片…
呢個時候如果有埋泰京啲戚咀樣更正﹗哈哈…
又係仁河叔和允熙姨談情時間﹗飛… 其實佢地段黃昏戀先係主菜吧？
啦啦啦，就係呢啲拉手…數唔到出現過幾多次了…
美浩和金傳說(原來佢叫傳說…)會唔會一PAIR呢？XDDDDDDDDD傳說哥真的很茄，到底有誰能夠告訴我佢既存在作用係乜？
到仁河叔發現俊俊拍的荷娜照片了…
允熙姨點解睇醫生睇到著晒SUIT咁？WELL，佢對眼可能得番半年到一年到就會盲，但允熙姨並無同任何人講…佢會唔會又閃咗去？或者會刺激仁河叔又再放棄晒一切要同佢成就偉大的愛情了…
世界有無咁細呀﹗
點解逢戲院都會有個露台可以睇夜景？(會係《美男》那個嗎？)
哈﹗哈﹗哈﹗上集尾仁河叔知道俊俊和荷娜之間的感情後…成集…係無進展﹗就係仁河叔和允熙姨不停綿綿情話，然後俊俊不停叫荷娜順著自己心意走，荷娜講對唔住，俊俊拉佢手…荷娜喊住走…呃…
*******************************************************************
究竟允兒喊濕咗幾多張紙巾呢？
拖咗成集15集，來到第16集終於有進展：仁河叔終於發現自己係人家阿爸了﹗(行雷…)向允熙姨提出HOLD住結婚的事…(而允熙姨都話有說話想講…係…咩呢？我係咪MISS咗？)
前輩好煩囉，一開始荷娜鐘意佢佢又話自己有未婚妻，而家荷娜投向人家懷抱佢又要叉隻腳埋嚟…
好無聊的整一場英雄救美(俊俊抱走差啲俾電單車撞到的美浩，但就整到荷娜了…)
「故意這麼壞」這一句都講過好多次？但呢段對話其實有乜意思呢？令俊俊傷心而去借酒消愁嗎？
俊俊第N次說唔好理其他野算啦…荷娜也是第N次唔理佢走咗去…
酒醉的俊俊係點樣去阿爸屋企呢？搭車的揸車？﹗﹗﹗﹗噢﹗想話呢段俊俊逼供阿爸可說是近幾集淚海一般的劇情入面最好睇的一節﹗
了不起的30年，讓我不停諗起泰京媽成日話自己段了不起的愛情…
向荷娜發了「很想你」的短訊等reply時竟然迎來了允熙姨的電話…
荷娜以為俊俊跟仁河叔說了二人關係所以仁河叔跟允熙姨不結婚了…但呢家人鐘意愛在心裡口唔開…又唔講清楚乜原因喎…咁樣估估吓又可以拖多幾集…
第N * N次俊俊提出唔好理啦…建議，荷娜也是第N * N次無同意…
仲以為允熙姨今集會知道荷娜跟俊俊關係添…典知之前幾集每集一知到今集斷咗…
喊苦喊忽了差不多4集…荷娜終於講「想在一起」而唔係「對不起」轉身走咗去了…很煩…
某人LA埋了幾集的五官終於可以RELAX一吓了…
不過女巫經過了…但以佢平時睇文件都要戴眼鏡的視力來看…會睇得清二人就係俊俊和荷娜嗎？
突然很90年代港式KTV咁奔跑(好在唔係喺沙灘…囧﹗)…都好…終於有一集唔使喊到哭崩長城了…
據說呢套驚世之作有成24集…而家先去到16…仲有8大集…可以玩咩呢仲？唔…這就是我的看點了﹗哈哈哈哈﹗我會堅持唔棄劇架﹗吼﹗
題外話：
睇緊《仁醫》時見到呢一幕…真係想答緒方醫生…呃…直到70年代都未治得到囉…囧﹗
留言列表
電視撈飯 (4)