Life as a 2 hit 6

其實呢套劇我只追到十零集倒，受唔住玩了成廿集zoe都仲同夏晨好似樣，有啲煩…um。琴晚大結局因為要出外吃飯於是無睇，但睇大眾的感言都係o咀多過感動…見到博友alexbb這一篇，我直頭覺得我無睇到(呢套笑片)有損失添喎﹗ 

Any肥，利申一吓第一輯我是沒怎樣被感動，而且也爛尾了未追完的說。但套用番《金枝》的話我感同身受啊，第二輯成效太見仁見智了(而我是沒有看的…)，對第一輯劃蛇添足了。到《衝》，收視上無《金II》咁災難性(仲好有話題添﹗)…但在故事上就差很多囉… 

其實，我屋企係忠實無記粉，咁多年來我地基本上都係長開無記，只在亞記有啲乜野爆炸的節目先會轉台。或許我地都係一台獨大的幫兇…um，印象中，好似係《縱橫四海》、《還珠格格》(仲有我勁推的《雪花神劍》)先引到我轉台。尤記得當年做白面古《神鵰》的時候撞正《今日睇真D》做解剖外星人，阿娘要轉台睇，阻住小的睇白面古，雖然有錄影機…但我唔能夠即時睇，而且錄影機唔會cut廣告，佢完全唔明我的內心有幾受傷呀﹗

我懷疑，這令到我一路唔鐘意亞記…哈哈哈。

Any肥，我地都好似習慣了亞記久不久就轉老細，久不久就頹吓，久不久就有啲正野出嚟。無數次係亞記殺出新血路，後來俾無記照抄。又試過無數次無記紅了的人俾亞記重金撬走。又又試過好多次俾亞記奇招攻破，逼得無記使出真功夫動員上下去打仗。雖然次次亞記都唔勁得幾耐，但奇妙在換完老細都會好似好啲，好一陣又頹，頹一陣又好咁，好似已經成為習慣。

哈哈哈，既然國/台/韓和日我都出得篇，無理由唔出埋港劇嚟呃文…但好多其實我是睇個名覺得有睇過但TURN OUT係零記憶的…囧…

嚟緊無記啲劇都好似幾噢畸，滿有期待的(但我無咁多時間追喎？﹗)。其實打拳戲呢，我好怕打到成身血又傷咁，人腳又有我最「敬重」的鄭視帝，但還是看了一集，感覺噢畸喎，又說今晚要上課睇唔到，先來說兩咀吧…

雖然是舊劇(維基說原來是08年播的，但後來改播了《click入黃金屋》…嘩﹗這是甚麼劇﹗完全無印象﹗)，但因為劇中人有武則天和狄仁傑(但其實我無睇劉華的電影版)，是有點點興趣的，終於今日看了…又真係不賴喎﹗

自從《天與地》後tbb都好似無乜野啱心水(不過小的是打算挑一挑《on call 36小時》既，雖然可以預計應該會以32x ff完成)，但見呢水開始有新劇的宣傳片(最爆係《金枝2》才開拍咋喎﹗)，於是心血來潮search一吓嚟緊會有乜野睇…(吾博好像都變了韓劇博了？﹗哈哈哈)