Life as a 2 hit 6

其實呢套劇我只追到十零集倒，受唔住玩了成廿集zoe都仲同夏晨好似樣，有啲煩…um。琴晚大結局因為要出外吃飯於是無睇，但睇大眾的感言都係o咀多過感動…見到博友alexbb這一篇，我直頭覺得我無睇到(呢套笑片)有損失添喎﹗ 

Any肥，利申一吓第一輯我是沒怎樣被感動，而且也爛尾了未追完的說。但套用番《金枝》的話我感同身受啊，第二輯成效太見仁見智了(而我是沒有看的…)，對第一輯劃蛇添足了。到《衝》，收視上無《金II》咁災難性(仲好有話題添﹗)…但在故事上就差很多囉… 

其實都知係無記THEORY，一開始有少少專業知識，之後就談情說愛，最後先會無啦啦轉番入直路攪啲專業RELATED的災難。《衝I》我覺得係喺SPONSOR的嚴密監控之下算係衝出了呢個圈圈，談情之餘去到中間都仲KEEP住講S4點樣考機師，COCO點樣考空姐，去到訓練場地係真係訓練，而唔係坐喺個駕駛艙度談天說地…俾我知機組人員係咁TRAIN出嚟我會好驚。而呢一輯，係咪SPONSOR少了呢，還是SPONSOR的路向改變了，又或者無咁多內部LOCATION可以俾TBB拍野，於是就變成我最「熱愛」的驚世鉅製《烈火雄心III》咁，頭幾集專業RELATED，之後就全程談情說愛了…好驚﹗ 

琴日睇朋友在FB實時報導那個空難…實在太難令我唔聯想起《烈III》最後一集以為阿牛會死掉的無啦啦跌落水箱同佢無啦啦出番山入火場救鄭視帝的一幕了﹗雖然係好身水身汗又驚險，但少不免會覺得太為造成高潮而做個高潮…囧。 

好啦，其實我都無睇，純粹係聽友人講而講的，可能係我錯。就如《金枝II》可能睇完都會覺得好好睇…哈哈。 

人物方面，其實我覺得COOL魔跟HOLIDAY會好啲，前廿集講到SAM哥為了ZOE點樣情深義重，又頹又盛，而SAM哥一路都覺得HOLIDAY唔認真架嘛，突然反過來對HOLIDAY情深義重…實在太突兀了。(好了，這是我行過唔覺意LAP到劇情的感覺)HOLIDAY同COOL魔兩個玩玩吓得嚟又暗藏認真不就是天生一對嗎？﹗噢…我認真就輸了。我忘記了無記係唔係都要攪啲無無謂謂三角戀的。

跟住夏晨同ISSAC條線，本來ISSAC因為夏晨同ZOE似樣，驚阿哥唔開心所以就算對夏晨有意思都唔敢出手，呢個都係既，但ZOE同夏晨似樣了差不多廿集…係咪有啲煩呢？而且SAM哥好明顯已掛住照顧HOLIDAY啦。以為佢地會走在一起(根據無記劇定律)，又無啦啦殺個咖啡味出嚟，好啦，我當你要俾位啲新人上啦，但唔好又話咖啡妹讓愛又盛，跟住佢閃走時就以為ISSAC跟夏晨又一齊番，之後ISSAC又列出甚麼五大規則(那集咁啱我聽到﹗)先可以同夏晨喺番埋一齊…之前夏晨唔原諒阿哥就唔原諒咁有性格，點解而家又反而要死AI ISSAC同佢一齊呢？係咪因為ISSAC俾得太多維他命水佢飲…飲到佢中了降…囧﹗ 

新人是需要上位的機位既，咁多個之中JIM JIM個角色應該正常啲，自從COCO(唔正常地)同NICK分手(其實，佢只要正常地跟未婚夫講佢想幫朋友做代母，以佢男友咁鐘意佢應該有得傾既)後，大肚期間同JIM JIM互相扶持而成為一對好似正常啲？至於同JIM JIM一齊拎傑出獎的PINK PINK(做乜又係疊字？)…佢做乜無啦啦會係豹哥個女？囧﹗跟住阿B…佢成日「守護」大佬有點令我吃不消…同《情逆三世緣》個假太子一樣，佢做乜吓吓都要做啲苦口苦面又鬼咁多對白的角色？好明顯佢未擔得起喎﹗唔好咁一步登天啦﹗相比之下咖啡妹做暗戀ISSAC(雖然要糾纏一輪又懶係讓愛咁)就舒服啲。 

其實呢三個都算啦，我最受唔住的係住喺夏晨家那三個見到CAPTAIN KOO會發癲的空姐﹗咦，香香好似係其中一個？我想話呢套劇啲人好神，呂珊會無啦啦知道自己個女係香香，喺機上同佢相遇之餘，香香的養母又搭同一班機…。跟住馬明的兩個女友(做PHOENIX那個少女…啲魔鬼濕柴嚇死人…)又會同一班機相遇之後同馬明大攤牌，之後又可以安排個吉位俾馬明避開…呢家航空公司真係好隨意喎﹗同埋點解全世界好似得天頌一家航空公司咁？雖然我明，有親友做呢家梗係坐呢家…有電視框嘛。但這都不是重點…LANDING時係三個機師隨便UP幾句就決定飛番轉頭定轉落其他機場…(係，以我咁無航空知識都覺得好流FEI) ﹗﹗﹗我係好驚囉﹗

至於怒俾人話重口味的美儀BB跟馬明，我反而覺得佢兩個走埋一齊好自然，反正佢兩個已經投契，相處的戲份感覺舒服過以上幾對喎﹗劇情成日都講佢二人看著對方的感情轉變互相俾意見咁，由朋友到走在一起，係有啲難受既情欲場面…但走在一起都幾順理成章，起碼無SAM哥湊HOLIDAY咁。雖然上一輯SAM哥都係湊ZOE…但ZOE癡心終於感動到SAM哥嘛…呢輯我覺得HOLIDAY唔似會感動到SAM哥啫… 

呢段疑似的三角戀SAM哥和HOLIDAY成了主角，COOL魔BB反而做二打六了…囧。 

UM，好在我對第一輯不感冒，要不要承受多一次《金枝》的第一輯神話給第二輯毀滅的傷痛…會很慘的，囧。 

[港劇]《情逆三世緣》同又講《《衝上雲霄II》

[港劇]《衝上雲霄II》…哈哈哈…第二篇呀﹗

[港劇]《師父明白了》、《衝上雲霄II》