Life as a 2 hit 6

嚟緊無記啲劇都好似幾噢畸，滿有期待的(但我無咁多時間追喎？﹗)。其實打拳戲呢，我好怕打到成身血又傷咁，人腳又有我最「敬重」的鄭視帝，但還是看了一集，感覺噢畸喎，又說今晚要上課睇唔到，先來說兩咀吧…印象中好似無記無乜打拳的劇？日劇我睇過《to heart》和《一磅之福音》，打拳之餘(也就是傷到豬頭丙咁)少不免有啲青春愛情成份；電影(《rocky》((？))沒看…)睇過郭城城的《浪漫風暴》…但印象就只有城哥跟姑姑李若彤的激情戲份(誤焦點)…呃…無記的…好像只有十分之N年前張衛健和吳剛(﹗)的《拳王賭至尊》，我只記得有江欣燕而佢劇中個郁是相當靚吓的，最奇怪的是…吳剛喺戲入面係打拳的…囧

um，上面都是講開又講啫，張衛健套劇n咁多年無睇過，都唔記得劇情了(原來有歐陽震華﹗)…講番《拳王》：

• 其實促使小的想賦文一番呢…係…二少個角色…攪gag、懶好笑、唔上進、hea、被父母縱…我想話同《烈火雄心3》入面encore巴士高係一樣架囉﹗然後又係俾某人救咗之後就發現原來人生目標就係該人的職業，然後就全速前進咁﹗
• 二少好似二少(呀，係《big血鹽梟》)和《二嫂豪情》的楊陽(係咪咁寫？)之外，在《囧探》、《真相》都係啲攪吓笑，hea hea吓(而且有點二世祖添《真相》度)，仲有衝動(《情越雙白線》呀﹗)…呀，我好掛住二少那種有勇有謀呀﹗點解二少次次都要襯托人呀﹗
• 因為這次是鄭視帝﹗囧﹗
• anyway，阿家成(二少)口口聲聲話佢做足六年…我就諗起我在我司都差唔多年資…唉…高不成低不就(<<借啲2呻一吓…)
• 又anyway，即係呢，做咗咁多年都仲唔知自己位置，錯又唔認，口又唔收，真係抵炒喎﹗
• 睇劇情就係話家成俾高偉廷(黃德ben)救咗之後走去學泰拳，又同原來是高手的唐拾一(鄭視帝)不打不相識，then仲喺唐拾一訓練成為拳壇新星添…(擺在無線的人腳度成年事好超齡…)
• 阿鄭視帝個角色就勁《九龍冰室》，又係想埋沒過去想重新嚟過點知遇著舊人，卒之重回舊路咁…跟住又有個仔﹗噢﹗不過唔同既係佢老婆(除紙山)死咗…無好似九紋龍咁俾老婆(女友？)莫文蔚逼埋牆要重出漿糊…
• 我鐘意二少係咁叫佢做紋身佬…哈哈…不過阿二少個角色有理無理都屈咗人先乞人憎咗啲囉…
• 阿視帝個角色名叫拾一，不得不諗起佢個ex阿麗肥喺《秀才愛上兵》度叫拾義妹喎﹗有無十三章呢仲？
• 唔知呢，阿鄭視帝個郁勁滄桑，佢繼喺《怒火》開出一條馬蘭奴路線之後再開一條滄桑郁嗎？但又俾佢喺《烈火3》度懶委屈好得多。忽然記唔番佢青靚白淨時係咩樣了…
• 但又說，佢個斜揹袋都唔係大，俾人放了盒野落去都feel唔到架咩？攪到俾人屈咁大件事…
• 看劇情，黃德ben和郭少芸會係攪風攪雨的…佢兩個又是大茄嗎？
• 又會有周聰和蕭公子…啲人腳真係duplicate到無朋友…還好李詩韻和胡定欣都有一水無見過…
• 講開喎，上面數過幾套劇/戲都係男仔打到變豬頭丙，呢套劇終於有一個突破…有女仔打…話阿胡定欣會被視帝train成女拳王…算係有啲新意啦掛？

又說，接《拳王》的是《心戰》…嘩﹗呢吓子無記啲劇又好似有番睇頭(可以從泡菜劇度抽番身出嚟？﹗﹗﹗﹗)哈哈哈…期待。(同時…《盛世仁傑》之後胡囧又來了…要閃避…)

再睇再續。以上。

《拳王》@tbb主頁