無，想講吓近期有乜作者係追住睇啫…
(無，就係呃吓文囉﹗~哈哈)
喺屋企書堆度偶然發現有本《今天也要用心過生活》…是08年買的﹗但我完全無aware這作者是誰…囧。看《松浦彌太郎的100個基本》時只覺得…呀，佢既品味跟我既差好遠…我唔鐘意美國野喎﹗再睇埋《自在的旅行》才知多啲作者的經歷，作為一個無膽的乖小孩，特別羨慕啲人放膽去做自己想做既野，仲放膽到中學唔讀休學去美國，而且佢既英文當時係…um。回來後在街邊賣二手書，賣到而家cow book係目黑的看點(上次去時都想去朝吓聖，但卒之點解無去呢？唔知)…um，雖然都想睇吓佢啲上班快樂系列(好似是《最好和最糟的書店》)，只是好似沒有旅行相關的書咁熱愛了(說起旅行相關書，仲有舒國治的都很不賴，也是在誠品不停發現不停買…哈哈)
基於我看的是台灣中文版…又中了我最討厭的紙厚、字少、spacing闊…囧。
應該是看湯禎兆講起才知新井一二三是誰，想搵佢本《我這一代東京人》時突然發現原來又係以前買落﹗大驚﹗當然是沒有看完…um。之後一口氣看了很多，佢係以中文寫作，出版的format都比較平實，看得是比較舒服的。不過呢…um，可能一口氣看得太多了，竟然說不出對每一本有甚麼印象，只能說，比較記得的是《東京上流》…因為講文學散步，之後再去東京的時候想跟住朝聖一吓的說﹗
唔知呢，看著新井訴說細個時的東京就好似媽媽講佢細個時馬交是點樣的…呀﹗佢寫到細個第一次錯長途火車(唔記得去長野定邊度)，走出山手線的時候，好似經歷了一件驚天地泣鬼神的事…我想話我細個第一次自己去澳門(人家是小五…我…講緊中學了)，有說不出的緊張…哈，逃出生活圈真係巧京京架﹗um，係咪我懷古呢？我都係鐘意佢回味以前的人和事多過講現在的…(如…《東京311》)
又是一個大驚恐﹗也是湯禎兆講起敗犬掌門人，於是想找酒井的書來看，忽然發現屋企有本《京與都》，看下去又算太精闢。反而是《敗犬的遠吠》和《いつか、中年》先正，看到我想笑，酒井姐姐也問：為甚麼在電車上要讓座給小朋友，卻不讓給孕婦呢？(我成日問架﹗)…拍枱笑呀我想﹗um，沒有港/剩女的怨氣，一派悠然自得的分享自身和觀察對身邊敗犬的觀察(幽默和輕鬆地)，我想話好睇過《京與都》好多啊﹗看完《敗救的遠吠》，最記得的是…清子公主出嫁，讓全國敗犬燃起希望…我又忍不住笑了…
Um，呀，酒井出身東京卻十分喜歡京都，又是鐵道迷…我…我…我…也想暗暗舉手呀﹗看來我做完歷女可以做埋鐵道迷﹗哈哈哈。
就說我想做偽文青嘛﹗無既，睇開文學散步既《東京上流》，新井成篇文不停講村上春樹，跟住再睇埋《東京．村上春樹．旅》，覺得佢啲散文都幾有趣，忽然就發現屋企原來有本《村上春日堂反擊》(究竟我屋企有幾多本「原來有本」的書呢？)，死囉，我想話我好有共感呀﹗
現在會先看他的《春日堂》系列、《村上收音機》等散文，小說既野，看緣份吧﹗(雖然我有本《挪威的森林》買了未睇…囧
池井戶潤
當然是因為《半澤直樹》大hit，於是想睇番原著小說《オレたちバブル入行組》、《オレたち花のバブル組》，據說池井戶的書多以金融或salaryman做主角的…咦…金融…我想起山崎豐子姨姨…呀﹗一路好走了山崎姨姨，我會繼續努力煲《華麗的一族》，已經睇完上卷架啦﹗
萬城目學
書債堆積如山，最近讀了湯禎兆的《人間開眼》(佢真係好危險呀…啲書)，發現好幾個作者的都好似很有趣…萬城目學是其中一個，一來是他的小說將歷史融入現代時空，即刻中招啦，跟住《鴨川荷爾摩》(這是甚麼怪名字)是京大的奇怪社團的奇怪事，據說呢本係萬城目的出道作，反倒沒甚麼歷史野(相比《豐臣公主》)，多一點青春愛情事…呃…我又有點期待又想睇了﹗
三浦紫苑
多得某博友不停提起，呢個名號和奇奇怪怪的書名終於打進小的心中…先看《啟航吧！編舟計畫》，印象…就是故仔的設定都是冷門行業：
《多田便利屋》…就是便利屋
《強風吹拂》箱根長距離接力賽為舞台
《哪啊哪啊神去村》山地小村落中林業生活
《啟航吧！編舟計畫》辭典編輯部中編纂辭典的漫長之路
真係好冷門啊﹗但奇怪的是喺呢啲冷門的領域度作者又可以帶出高低起伏，本《啟航吧》小的可以忍不住狂睇極速挑戰完的…勁喎﹗暫時只買了《多田便利屋》，其他的…um，排吓隊先啦~哈哈…
*****************************************
都係唔好再提是湊佳苗、是枝裕和跟東野圭吾了，實在太危險…有涯追無涯呀﹗囧。哈哈。
留言列表
電視撈飯 (4)