Life as a 2 hit 6

In the rain, lonely night,孤單街中舞…

噢…tag錯歌…呃，即係呢，今日本來係去飯局既，行過CD店(其實唔係行過…都係有心一行…篤)見到佢﹗um，雖然套劇跟小的口味好像越來越不對味，但啲歌無疑是很不錯的…

重點是…啲相好靚﹗(就是最大賣點…)

本來今天因為誇張無極限超恐怖地忙(但我仲有閒情開小差喎？)心情有點悶，於是…就買野囉~

<<<都說是活動wallpaper，相片都是美美的，唔知會唔會出photobook呢？

嘩﹗超喜歡擔遮呢張(嗚…我今日都無拎遮呀…小呆借把遮俾我嗎？)，完全係wallpaper之選…

 其實會唔會出寫真集啫？

現代的即刻無咁詩情畫意了…

雪地這張都好正，又是wallpaper之選﹗~

結末有啲花絮圖…

 <<<好少女feel啲雨點…

 <<<送的poster，不過太大雨啦…放在袋裡小心奕奕地行都係有點濕了和皺了…嗚…

*********************************************************************

講開某人，唔爭在講埋我最近睇的《鬼來電3》…完全唔知原來有3套﹗我唔睇鬼片架嘛﹗但見女角都ok like，男角係某人嘛…又睇吓囉…

車﹗唔恐怖既(小的可是有太恐怖就熄機唔睇的覺悟，怕發惡夢﹗)…啲人死法最初係吊頸，跟住有個被電死都驚驚地的，但後來拎住個心臟、碎屍呀咁，啲道具有啲流fei囉…笑咗…最後有個男同學直頭噴雞毛而死(好了，雞是有意思的…)…點呀…我真係忍唔住笑了…

但至爆炸的笑位係…吉奴(張根碩)認為只要整down部機令美美子消失就能令明日香(堀北真希)回復理智唔再害同學咁，但點解方法係叫身邊(甚至日韓兩地…)的人狂send email？hang outlook唔會hang機吧？(起碼我無試過囉…)…跟住勁多人一齊喪send email時卒之hang機了…hang到部主機著火﹗嘩﹗我日日公司部機都喪收email架喎﹗都無試過著火﹗真係sorry，忍唔住爆笑了…點解唔send virus呀？定係佢地當中無人係電腦專才去send virus？2006年無一野過可以令人當機的病毒咩？

而，個故事講班日本高中生去韓國畢業旅行，佢地係第一次去吧？竟然可以在彼邦玩treasure hunt…唔怕成為迷子嗎？而攪笑的是…全韓國的人都會日語的﹗而更爆的是，除了一開始玩treasure hunt時有外景令我知道是在韓國取景之外，之後的場景都在酒店裡…呃…(呃…我明，因為索命電話魔咒開始所以無人有心機出去遊山玩水了…)

講番啲演員，赤西嫂多年如一地一個字：靚﹗然後啲表情是十分不到位的…。堀北一時(其實係太部份時間)都一副陰深樣在篤整死邊個同學好，加之於佢個髮型…硬覺得是野豬囉(都係那水吧…)有比較之下佢啲戲真係好赤西嫂好多，但佢戲份又無赤西嫂咁多…呃。而某人，竟然無得出聲﹗(因為佢係有聽障的老師，全程手語)，但有時佢無望人又可以做手語俾反應喎(我又在搵笑位？)…同埋最後…佢死得好慘呀﹗(當年皮膚仲不錯喎﹗笑)嗚…貫徹呢套戲的風格，吉奴都是一個會流利日語的韓國人囉…XD

我真係太有誠意啦，一套笑片都寫咁多野…哈哈哈…