仲cap唔cap好呢…其實都無所謂啦…呢套劇的文由第一篇無乜圖去到中間超多圖，再去番一個無圖的文字版，幾有想像空間(也就是說中間的劇情空洞得我想寫也沒甚麼好寫囉﹗)…哈 哈…，好啦，其實大結局算是洗清之前的恐怖感，強烈覺得第9集之後直飛19,20集…會好開心…XD未cap圖，先來一個文字版…
除了尾段每集一知有啲野係一路都無人知而又有人知咗之外，繼續都係老女巫同男巫發功，我決定取消小女巫的女巫稱號，因為佢真係無乜作為，而老女巫應該同男巫結婚，佢地真係太襯了﹗
(老女巫=俊俊媽，小女巫=美浩，男巫=前輩，為免大家唔知我講緊邊個…哈哈)
19集：
--平時愛在心裡口難開的仁河叔和允熙姨突然坦白和爽快起上來，允熙姨決絕的拒絕了仁河叔做柴可夫甚至只係做朋友的留在身邊；跟住佢又直接地跟荷娜說想佢同俊俊一齊，覺得俊-俊係可以俾荷娜幸福的…甚麼了…允熙姨你突然轉style我唔慣啊﹗
--仁河叔兩父子果然係兩父子，冤鬼纏身的尾隨允熙兩母女，幾乎佢地一開門唔係見到仁河叔就係俊俊…唔知仲以為佢地係跟蹤狂囉﹗
之前有傳24集…真係勁京京﹗仲有乜可以拖到4集？唔通係允熙姨做手術的時候發現有眼癌？﹗(好了…我串咀了)…好在，應該收尾啦(而微博也確實post了剎青宴的相，真的結束了)…因為開始有回憶片段啦﹗
--先有荷娜跟俊俊又去食咖哩，跟住回憶第一次在日本相遇同枱食飯，俊俊狂叫荷娜做「lulu」的情境(呀﹗那時個undercut真係好型呢﹗)…之後俊俊仲叫荷娜叫得佢親密啲…叫哥哥或親愛的之類…唔好啦…小女巫叫佢做哥哥，叫親愛的啦…(我又諗起瑪麗了)
--老女巫連環發功又連環自取其辱﹗實在太大快人心﹗佢喺人家平凡約會的時候先打俾俊俊被come線後再打俾荷娜鬧佢，反被俊俊鬧番轉頭；之後叫佢二人回家，原來叫晒昌模、東旭叔和美浩說要傾俊俊跟美浩的婚事…好在東旭叔無同老女巫癲，拖埋個女走…老女巫陰謀失敗啦…嘩哈哈哈
--失敗後佢又走去搵允熙姨鬧佢，被男巫發現跟住走去鬧俊俊(﹗)…說甚麼不能守護佢就唔好一齊咩咩咁…佢好煩呀﹗送佢去天王星啦…(火星太近地球了)
--男巫最可惡的地方唔係佢一再想拆散俊俊和荷娜，係佢一而再地同俊俊並排而企，然後斜從下而上pan上去的鏡頭顯出前輩比俊俊高大英偉得多﹗你死定了﹗(人嚟﹗扯佢上太空船﹗)
當前輩去搵俊俊攪屎棍的時候，善浩繼續行行企企食飯兩味，而傳說繼續大茄，要撐足20集…係需要多啲人講吓無聊野既…不過善浩真係慘囉…咁茄…(我係咪要睇吓《親切的金子》呢？為了欣賞善浩其他演出)
--臨尾允熙姨做手術前說要閃走去睇啲野，原來係返番去大學回憶跟小呆黃色傘的一段~~~呀…小呆呀~而仁河叔跟荷娜鬥快搵允熙姨，荷娜估媽媽去咗家鄉，而仁河叔就回大學…仁河叔勝﹗
--每集一知是…俊俊要走(好老土﹗)去紐約，說是想等老的一pair settle down，手術的事也定下來，當允熙姨唔需要荷娜在身邊的時候就叫荷娜去紐約搵佢云云…
睇到呢一刻，其實佢出咩劇情都無所謂啦(睇微博劇照二人又再次轉郁，疑似會是happy ending既，應該…是…俊俊真係去了花旗國，之後番嚟泡菜國搵荷娜？)，估唔到的是，第一印象不甚好的70年代4集，現在反而很回味，雖然第一吓不太能接受活動wallpaper，不過唯美畫面加貴精不貴多的對白，又恰恰表達到人物性格感受喎，係，雖然話允熙有病要避走美國令小呆失戀呢段好老土，不過4集啲70年代青澀愛情又幾有新鮮感(咦，我係咪應該搵黎老闆的《玻璃之城》來看一吓？)，諗諗吓其實節奏都唔算慢啦…
其實成套戲我都唔知點評價，不停地睇一集覺得好咗…一集又好頹…一集覺得有起色…一集又覺得拖拉番…
我決定取消本來對70年代部份麻麻的印象，取消﹗(我在扮王世子…哈)…很懷念小呆呢…明明一齊開的兩部，《王世子》是睇到依依不捨，而且滿懷滿足的完成，《愛情雨》就係求其啦…你是但完咗佢算啦…
因為，點都估唔到現代部份，在潮爆undercut造型之下…讓我滿心期待毒舌男和開朗少女會係咩一回事的時候…點都估唔到係人約黃昏後先係主菜，本來5-9集營造了俊俊跟荷娜冤家變情侶嘛，心諗你要人約黃昏後我都忍你啦，毒舌男不毒舌反而淚線過度擴張，開朗少女喊濕十幾廿包紙巾，集集唔係叫分手就係望住boom牆喊，好煩。
碩碩，お疲れ様でした。以上。
(雖然未正式睇大結局，但我好似已經蓋棺論定？哈哈，另外，某橡筋，你下次選劇本無論係電影定電視都請小心選擇啦，嚟多幾部《愛情雨》、《寵物情人》的東東我真係受唔住架﹗)
20集：
--呢集突然喪對照70年代喎，允熙姨再出走花旗國(都係唔直接講俾仁河叔知，上次經東旭，今次經阿女…)…我鐘意後尾俊俊和荷娜在餐廳(？…好詭異俊俊喺入面係睇書…同埋店門口有架車)同個小朋友玩…--老女巫和男巫知我的念力威力強大真係驚會被送去外太空嗎？突然和善了？俊俊媽直頭唔想二人同住一屋(但分房瞓)有奇怪傳聞叫二人結婚喎﹗(我幾驚劇情話佢發現自己有絕症所以人知將死其言也善…囧)
--送鍊呢條橋套套劇都要有的嗎？俊俊一早送咗diamond snow鍊啦，結局仁河叔都要送一條雨傘鍊俾允熙姨﹗
--俊俊送滿天星俾允熙姨，但跟荷娜說唔知佢鐘意咩花一段好好笑…跟住拎紮野出嚟送俾荷娜時我諗起《瑪麗》第一集無缺唔知邊度摘的那堆草…囧
--兩父子交換愛的宣言(嘔…)之外仲交換埋禮物…雖然說阿仔體諒阿爸解咗心結係好事…但使唔使咁肉麻…阿仔送上照片，阿爸送上知道二人相戀一刻的油畫，俊俊個唇好紅喎﹗超京京…(呢幅畫係咪要cap番圖先夠有相有真相呢？)
--一年後回國的我初初以為係俊俊…典知係荷娜…哈哈﹗俊俊好醋喎，善浩同荷娜發sms唔鐘意，跟前輩見面又唔得…仲因為荷娜兩周變兩個月黑晒面…連老女巫都頂 佢兩個唔順(XD…惠貞姨終於都做番集慈母了…雖然佢開口埋口話唔想見荷娜，又話一個星期嚟一次太誇，THEN荷娜唔嚟阿仔又唔嚟…但佢個心係開心的 吧…)
--一年後俊俊個道士頭(好古裝片FEEL喎﹗)做乜咁似無缺媽個髻？﹗
--小女巫和男巫都突然放手了…好突然…
--善浩執了一個桔(小學同學…)…而佢終於向荷娜暗示了自己的心意，但荷娜完全唔AWARE佢講了為自己心疼…噢…
--求婚的一幕竟然係播相跟住俊俊講番當時拍照的心情，比平時淨係播片有心思喎…甜到漏呢…(係囉…終於有一集唔使喊到豬頭丙咁啦﹗)
--終於可以笑番吓了…二人出發去結婚之前荷娜竟然要淋花…(好盡責﹗)…俊俊終於SET吓頭了…唔通無SET咁多集就係留番筆直結局先一次過SET得行啲？
呀﹗本來以為只有一集OST，典知月尾時出了第二部，有第13集二人海邊影完相後在酒店時響起的那一首歌﹗呢套劇的劇情和風格小的不敢苟同(由頭到尾我都在講：唔係某人唔會睇囉)，不過OST的歌真係好正…噢耶﹗落幕了~~~~~~
********************
留言列表
電視撈飯 (4)