見到PROMOTION有一句「為了跳舞,你可以去得幾盡?」,諗起《打擂台》一句「上一得就一定要嬴」(但劇情其實我唔記得了…XD),跟住《激戰》又有一句「上得台就唔好驚,一輸就輸成世」,好似好耐無喺港片度睇到仲熱血過日劇的熱血喎

狂舞派》講一個U囡入DAN SO跳舞的故事,咁有啲愛情呀友情呀咁,笑中有淚淚中又有笑咁,咁最爆炸梗係連場跳舞戲,拍得好好睇的說,雖然我唔明工廠大廈佢地係租個STUDIO定係爆入人家的餐廳度跳?﹗(我講那班ROOFTOPPERS…)

主角阿花有著可愛虎牙(即刻諗起睇《一升》時的英龍華姐…),一開始就講佢入了BOMBA,跟住佢又暗戀師兄DAVE(雖然有王傑的英文名,但佢個樣爆似KENNY關…),而DAVE又鐘意一樣係YR 1插隊入去的REBECCA,又原來呢個REBECCA中學時演出阿里山的姑娘俾阿花攪亂了,於是佢決心從此一定要做明星俾人關注…但方法竟然係…去選動漫寶寶﹗佢之前唔係跳過容天后MV咩?噢…真係一人有一個夢想…

SORRY,我作為一個SIDECUT人…我專留意主線以外的東西…太極學會會長7良呀﹗(其實唔係呢個7既…XD)…佢真好好爆笑…(雖然呢篇話覺得佢好笑係唔了解佢…SOR,但我堅覺得佢好笑和好CUTE喎﹗)佢硬踢阿花入太極SO,送佢絕版PIN、扇和公仔,又變魔術咁,仲有埋古法藥草醫腳(嘩﹗呢招我睇《洪吉童》時利祿用過嚟救大君﹗)喺阿花離開BOMBA時佢一路陪在左右,後尾DAVE同REBECCA散咗,幾驚阿花一個屈尾十轉番去KENNY,呀﹗係DAVE度…咁7良好慘架嘛﹗即係呢,7良勁在係佢既行為表情令我想笑,唔係靠爆金句丫嘛﹗

最爆既係,貌似黑社會的7良真係有劈友的過去,而佢啲「0靚」個個都古古惑惑,最爆教佢太極既竟然係黃貫中…呀,應該係佢演既懲教所阿頭,呢個組合實在太爆了…

故仔係老掉牙的,但連場跳舞場面是很好看的,咁我呢啲手腳不協調既人鐘意睇跳舞嘛,雖然ROOFTOPPERS啲史大奧我唔太鐘意,但阿單腳人向阿花展示單獨的一場真係好激動人心的。咁很正路地,BOMBA因為阿花回歸,大家有番心機,就從之前極小學雞的舞再組出新MOVE(就係…加了太極囉…)…好好看。咁老掉牙地,梗係嬴咗啦…

最後…我想知的是…大家的GPA點呢?雖然話佢地可能出嚟係跳舞呀做舞者呀咁,但太差的GPA都不太好吧?(咦…我認真了?﹗XDDDDD)

最最後,估唔到的是…7良哥哥原來是前幾年TEMPO紙巾個宅男…但佢轉咗7良個黑衫郁我就唔認得佢了…哈哈,同埋佢叫BABYJOHN係因為某個演出既角色名…我心諗…ANGELABABY就話BABY啫,男人老狗都BABY…原來係咁…噢…。
************************************************

睇牌面呢,我以為彭生和張生會打餐死,拳拳到肉打到飛起,根據日本拳擊RELATED劇的FORMULA一定要打到視網膜脫落,不得不光榮引退架嘛﹗(我講緊《TO HEART》…XD,《一磅之福音》唔記得有無呢吓,但遠古的《西洋骨董洋果子店》有喎﹗)…ANY肥,就說是林超賢嘛,我咪以為係打到飛起架囉,點知…打固之然是看點,但文戲都有看頭喎﹗
 
 
 
 
 
話說賤輝家輝叔廿年前拎過兩次拳王腰帶,但因為打假拳而斷送職業生涯,頹了廿年,爭落一身債攪到要走佬到澳門,靠老友(姜皓文)介紹下到小拳館教吓C9跳舞HEA吓過日辰咁。咁佢住既地方同屋住有母女乙對,很老土地一開始梗係火星撞地球,但對吓對吓梗係產生感情啦,不過係親情多於愛情,小丹啲戲超好,老積可愛都有齊,佢下年金像獎會唔會跟上面7良、阿花一齊爭新人獎呢?

 

打拳方面,家輝叔操到癲咗咁大隻,但去到尾先有佢脫衣出賽的場口,大部份都係彭于晏的說。話說…我雖然有看遠古的《愛情白皮書》和近代的《寒戰》,但見林思齊…都係望了一輪先確定係佢…點解大隻到我唔認得佢個樣既?﹗

呀,OT了。總之呢套戲就是阿齊(彭于晏)或賤輝都好,總之大家都想為自己做件事,咁啱就係選了mma。但其實,阿輝哥都廿年無打過拳,雖然不知何解佢仲keep得咁four(是因為常要避債走得多所以運動量高?),而阿齊無打拳底,離比賽時間只有個幾兩個月,佢又會無鬼啦啦信晒賤輝?﹗但anyway,佢地既師徒情誼係好動容的,阿賤輝用化骨龍式的口衰衰鬧阿齊又是好好笑的…算是舒緩了打拳的肉緊,和阿君入精神病院小丹要跟阿爸那些慘情戲的悲傷…

唔好意思,套套戲我都留意笑點,但我是比較怕睇打到眼耳口鼻都ware埋一舊的打戲嘛,見到阿齊條頸bla一聲tat落地真係我痛過佢呀﹗同埋咁tat法都唔癱真係好彩喎﹗同埋阿小丹走佬時跌落樓梯成攤血好京京的,但turn out又無事…呃,咁唔係話黑心想佢地死…但傷既時候咁嚴重,但轉個頭就無事有啲攪笑啫… 

um,又係我估的時候,家輝叔和彭于晏應該會去爭男主腳和男配腳啦?﹗
*******************************************************

唔爭在講埋,話說友人話PPTV有《三個特攻美少年》睇,但我搵唔到之餘無啦啦CLICK到呢套08年的泡版《西洋骨董洋菓子店》,雖然我沉醉在賤輝叔和7良度,但唔覺意睇吓睇吓…代表好萌﹗(我果然是鐘意留意SIDECUT呀男二呀咁…)…

而,我鐘於明呢個聽了很多年又長又難記的戲名點解咁叫了﹗

雖然《瑪麗二叔公》我翻看了一萬次,無缺和瑪麗的感情線真係好老土,但小的竟然可以睇完又睇…哈哈。就說,對代表很無感。之前做日文PRESENT時選了日韓翻拍嚟做TOPIC(果然娛樂RELATED我就有興趣…),搜集資料時知道代表有拍《西洋骨董》(個名太長了﹗)…而泡版和日版的分別,是部長(我係咪應該講番藤木直人?)和代表(係金在旭了…哈哈哈…佢二人的代號都係職位…哈哈哈)的角色雖然都係天才蛋糕師,但泡版就保留了原作的同志元素,代表也落力發揮佢妖魅力,一點也不輸給某人喎﹗

很幼齒的嬲憂師兄,佢個角色就係日版瀧澤的拳手角色,話本來佢拎到大賽冠軍但因為視網膜脫落唔能夠再打拳,但電影版前段就講代表(我唔記得角色名了)年少年代被魔王(哈哈,是朱在勛啦…韓版《魔王》的律師)情傷所以變成第二個人似的,是不能跟女人一同工作,但殺掉所有男人的魔性同志(但佢一擺CHOK樣我就想笑…),中後段就講魔王點解開間咁既骨董蛋糕店,跟住就交代佢細個的被綁經歷,講番點解佢唔食甜野,咁,梗係大團圓啦,但其實啲TRANSIT位有啲突兀,睇睇吓我係忍唔住去維基一吓劇情補足一吓…明明我分每秒我都望住個芒但我好似甩咗啲劇情咁﹗囧

無啦啦連場歌舞是有一點騎呢的…囧﹗

 

 

 

於是,無聊的我又走番去睇日版﹗







 

很幼嫩的瀧澤小弟﹗(就是劉亞仁的角色…)






這是誰﹗而我不知道…囧﹗





也很幼嫩的部長﹗(就是金在旭的角色)

女角方面有我最想SKIP LIST其中一位…松山嫂小雪姐…我想話呢個卡士,唔怪得咁多年我一直都無睇啦,唔係因為唔覺意睇了韓國翻拍的電影版…都唔係搵番日劇版出嚟回味…呃…哈哈。

arrow
arrow
    全站熱搜

    domotoiceko 發表在 痞客邦 留言(0) 人氣()