close

本身係追緊《summer nude》和《天魔來了》,老實說,其實…開住都唔係望住(好玄﹗),於是轉去睇其他野,好似好好多。

好耐無一套劇會令人好想快啲睇下一集,跟住發現是ON檔追無得即刻PLAY下一集好唔開心添…唯有帶住期待的心情等下個星期啦…篤手指…
嘩﹗個新人集體見工大會和迎新會都好壯觀﹗想當年小的考入銀行都係喺會展和酒店度見工和做TEST,但沒劇中這個咁勁喎﹗泡沫經濟時期真係乜都勁過人的說…

雖然套劇的主角係堺雅人,但我見到又係北大路欣也叔叔演銀行頭取我忍不住笑了﹗不會是《華麗之一族》吧﹗(我而家煲緊呢本小說嘛﹗成腦都係佢同木村大叔呀﹗)好了,時間是90年代泡沫經濟時加入銀行界的半澤直樹現在的奮鬥史。但跟《華》一樣,銀行界都係不停你食我我食你咁,跟住啲阿頭都係為了追target而不惜一切,今有淺野支店長借5億俾東田跟住要半澤揹黑鑊,古有《華》萬俵頭取為了吞噬在上位的銀行而唔肯借錢俾阿仔(木村)起高爐…
 
撈亂了﹗哈哈哈。就說這部戲味很濃,節奏很快,除了半澤直樹(堺雅人)回家跟老婆阿花(上戶彩…阿花…好似貓名…XD)食飯吹水的劇情比較輕鬆之下,大部份時間雅人叔叔都係戚住眉,冤住口面,CHOK行個氣場對抗佢老頂淺野支店長,跟住唔知點解阿支店長雖然係奸啫,但佢個樣都好夠奸架啦,唔使連個OFFICE都黑媽媽去話我知佢係奸的吧…囧。
 
ANY肥,故事話半澤硬食了淺野5億貸款的死貓,要搵番東田出嚟收錢先收到科,中途硬插了總部派人嚟攪個甚麼臨時檢查(我唔記得個名了﹗),本來係隨機抽樣一堆企業出嚟CHECK貸款是否恰當,但平時有大約一個星期時間準備今次只有幾天,於是因為文件不周而人家又有心專揀埋啲業績差劣的企業出嚟,半澤大半集都處於劣勢,頂到尾因為中西和垣內一言驚醒發現有啲文件可能唔見咗,先知係小木曾個奸佬收埋咗,仲發現佢有本鹹書添,真夠大快人心。
 
呢個叔叔咁樣衰,真係唔睇劇情都知佢係奸既﹗
呀,我醒起我仲有套講了一萬年的《命運之人》未睇﹗

而見到堺雅人成日啤人,我成日覺得佢係古美門…XD。而演中西英治的那位DIDI,原來是Hey! Say! JUMP既中島裕翔,唔怪得好面善,但係我UP唔出佢個名…哈。但睇到第5集時半澤TEAM人會各散東西,DIDI做有無場口出呢?

隨著淺野次店長戰敗,下一步就係東京總行,仲會遇番當年取消借貸攪到自己阿爸要自殺的人,好緊張﹗又要等了﹗UM,又隨住故事舞台去番東京,演半澤個FRIEND渡真利的及川光博應該會有多啲戲了吧﹗唔知點解從前我一路覺得佢專演啲奇奇怪怪既角色(可能是被《曼克頓愛的故事》影響了…),之前睇《信長的廚師》見佢演啲正經既角色竟然覺得很新奇了…哈哈哈。即係呢,喺一堆唔知點解成日想半澤死的人當中,忠直而且屢次出手幫半澤的人自然突出的嘛﹗

緊張之餘劇情峰迴路轉,但轉得有紋有路,啲演員出力(不過我覺得太出力啫﹗),一路覺得呢類爾虞我詐的喺日劇當中不太受歡迎,點知收視節節上升,估佢唔到。唔通係美穗姐旺夫能量太強大﹗ 
*************************************************
 《歌舞伎之華
至於這一套,是因為博友說看過好像很不賴,跟住自從《信長》和《ATARU》之後我對日版泰京的驚嚇感大大降低了,今回佢做歌舞伎名人之後,散散慢慢求求其其但又極有人氣,AKA貴公子,又嚟呢隻FEEL,我決定挑一吓有無當年咁驚嚇﹗

泡劇成日都有演技出色的小演員,今回兩位小朋友都很可愛啊﹗而個妹妹不停鼓勵男二去做歌舞伎劇,很到位的說﹗只是我想問,咁細個小朋友…又會識咁多野既?仲識整個公仔送俾男二…會唔會太驚嚇呢?
 
美男子﹗我要屏息以待了﹗
 
UM,喺日本,所有勁既人,佢地既身份都係高中生…包括呢套劇…無論係人氣歌舞伎王子日版泰京(我係死都唔叫佢玉森裕太﹗哈哈哈),定係女一(唔知乜名,總之佢係日版泰京的同學,鐘意男二無視男一…),都係高中生﹗


SORRY,其實我只看了第一集…不過見啲位幾好笑…例如日版泰京幻想女一鐘意自己…跟住自己喺張床到邊碌邊大叫女一的名字…
解釋劇目的動畫好可愛﹗

呀,我係咁講日版泰京,其實呢,亮眼的仲有文也/銀平(我果然很喜歡《華麗之一族》)山本耕史﹗次次睇佢啲角色都係好有心計黑口黑面的,今次佢係歌舞伎俳優,SORT OF日版泰京的師兄吧?亦師亦友那種我覺得,佢成日鬧日版泰京好好笑﹗
 
呢套呢雖然自看了一集,但感覺好過睇到第六集先有番點點追看性(對我來說)的《SUMMER NUDE》啦﹗不過手頭上要看的太多了,呢套或者先放低一吓回頭再看…UMUM

以上。
arrow
arrow
    全站熱搜

    domotoiceko 發表在 痞客邦 留言(0) 人氣()