close
睇《思考的藝術》讀到「行動偏誤」一章時，諗起最近熱爆全城的「林老師爆粗事件」，就說，人們會覺得就算行動根本沒甚麼用處，做了再算﹗所以林老師可能唔知同警察講完會幫唔幫到件事，都講咗先。而警察呢，同一章節度又有講熱血菜鳥系見到兩幫人口角的話肯定即刻上前干預的，但老一輩的就會企埋一邊睇定啲先，而英國有過個相關研究，話比起即刻干預衝突相比，警員在衝突旁邊等一陣，可以讓傷亡數字降低喎﹗
如果林老師有讀過呢本書，咪唔會中咗呢個思考偏誤囉﹗噢，事後孔明其實都係一個思考錯誤--「結果偏誤」啊，我還是不要用結果來斷論某個決定了。
利申：個人對林老師事件呢…是中立的…我覺得兩方面都有問題，差人處理事件是可以進取一點(咦﹗「行動偏誤」)﹗又或者，林老師點講都係一個老師，爆了粗俾人上綱上線點都係蝕底。而家件事不但無好似真理咁越辯越明，仲俾突手火上加油，完全唔知想點…
ANY肥，我是先看了《行為的藝術》再睇番先出啲既《思考的藝術》，看完兩本後，覺得《行為》有點老翻《思考》了﹗講啟發性好似出先既《思考》比較大啲，或者係第一本可以天馬行空，第二本又要顧唔好重覆但啲BASE可能嚟嚟去去都係嗰啲，呀﹗這是「新手的運氣」，格外好的開頭就要小心了﹗哈哈哈﹗果然如譯者所言，呢兩本書都係要一路睇一路諗番啲身邊既例子，咁先容易記入腦再在生活上活學活用的。
如：「存活者偏誤」說我們只看見新人笑，不見舊人哭，千千萬萬個失敗例子無人寫，但成功的就俾人歌功頌德，見人地講番自己成功之道，不要傻仔地就咁就信自己行番同一條路就一定WORK…
又如：「泳將身材的錯覺」，人家被選上做泳手，可能係佢天生的條件好(例如波地線條啦)，如果我地以為日游夜游就可以好似佢地咁有好身材就傻仔啦﹗又如，啲MODEL去賣化妝品，人家本身就令嘛，同一樣PRODUCT用在我身上可能差天共地架﹗(所以當年見鄭天后去賣減肥廣告真係O咗咀，遲咗十幾年，應該趁佢剛剛減甩BABY FAT變身金毛強時賣丫嘛﹗)
又又如：「沉沒成本謬誤」，人不應貪戀過去，付出咗既野就付出咗，付出既代價唔應該影響之後的決定，呀﹗這個好在我讀個ECON識啫﹗就說，要有止蝕位，雖然，睇緊部爛戲，我還是會忍不住抱著「橫掂都開咗個頭不如睇埋佢」的心情去完成佢，之後就再上來博度賦篇文鬧爆佢，付出時間係套戲/劇的長度之餘再加寫文的時間，蝕上蝕…哈哈﹗
呢本書的樂趣是，啲心理學TERM就咁睇唔明，但文中用了好多生活化的例子去解釋，跟住又講吓科學家/心理學家做過乜實驗去證實呢啲理論，好多就咁睇會覺得傻仔既野，其實我地日日做緊，如上面說的「行動偏誤」，文中仲要有一句「當情況混沌不明，直到你比較能夠掌握狀況之前，千萬不要輕舉妄動，最好是甚麼都不做，請務必克制自己」…用在開首個CASE度是多麼的應景啊﹗唔係話老師差人問清楚執法啲野唔啱，只係從呢件事牽連之長和廣嚟睇(好啦，我係事後孔明)，呢篇文完全中晒喎講得﹗但人的本性就係寧願做啲野都好過不安地坐喺度，本性嚟既…無計…
還有其他都很實際可以用到生活上的，例如「團體迷思」(大家SAY YES時你都會忍不住SAY埋YES，就算你覺得NO先係王道)，又或者「賭徒謬誤」…就說有啲野係無連帶性的，如擲銀仔，除非做了手腳，否則之前擲咗乜其實唔影響下一次擲到乜的，又如「錨定」，如果對一樣野要估估吓，通常人們都會搵啲野做BASE，那那些野可能係個人過往的經歷，如果那樣野人們越無法確定，錨定的力量就越大，如…買野﹗標了原價，再喺隔離整個特價的標價，係咪即刻人都癲埋覺得好抵，想去俾錢﹗係喎，那件野抵唔抵應該係視乎你心裡面俾佢既價值…唔係俾店家影響你架喎﹗
哈，我係咁講《思考》的內容，至於《行為》，其實都係大同小異，但先入為主失敗，我覺得內容上無《思考》咁有趣，我係咪應該再睇多次等我精明啲呢？﹗哈哈哈哈﹗
還有其他都很實際可以用到生活上的，例如「團體迷思」(大家SAY YES時你都會忍不住SAY埋YES，就算你覺得NO先係王道)，又或者「賭徒謬誤」…就說有啲野係無連帶性的，如擲銀仔，除非做了手腳，否則之前擲咗乜其實唔影響下一次擲到乜的，又如「錨定」，如果對一樣野要估估吓，通常人們都會搵啲野做BASE，那那些野可能係個人過往的經歷，如果那樣野人們越無法確定，錨定的力量就越大，如…買野﹗標了原價，再喺隔離整個特價的標價，係咪即刻人都癲埋覺得好抵，想去俾錢﹗係喎，那件野抵唔抵應該係視乎你心裡面俾佢既價值…唔係俾店家影響你架喎﹗
哈，我係咁講《思考》的內容，至於《行為》，其實都係大同小異，但先入為主失敗，我覺得內容上無《思考》咁有趣，我係咪應該再睇多次等我精明啲呢？﹗哈哈哈哈﹗
全站熱搜
留言列表
電視撈飯 (4)