老金煎餅－Life as a 2 hit 6

今日行過發現這店，被店的可愛公仔吸引了，本來以為係CREPE的本地版，點知原來係北方煎餅的朋友~

我又再一次old news is so exciting，中環店開了一大輪，最近再開灣仔店的說。

介紹的單張。咁多英文既﹗起吓佢底先發現原來店主是曾在北京工作的美國人，怪不得說是北方小吃，但裝修LOGO都無北方風味啦﹗

即叫即制的，不過初初我唔知係要俾飛，於是ON居居的企了一輪。整完後店員會用紙袋再加膠袋的包起俾你拎走，係就係方便…唔環保囉﹗同埋呢家店可能新(過吓？)…啲哥哥仔手勢好似未熟練咁…

基於我揀飲擇食，我怕佢啲鹹的口味係我唔食既野多，於是選了港式甜煎餅，皮是紫米甜煎餅(原來鹹味的是綠豆)，呀，我想話個反牌反晒光，我行埋CASHIER時想望清啲個餅有乜配料係睇唔到的﹗於是我選了這個我自覺是最安全之選…入面只有花生醬和脆皮，想難食都難啦﹗

有趣的時倒了麵糊整個皮之後哥哥仔會打隻蛋落去…造成皮上面有紫又黃的感覺。

其實味道係OK的，包裝夠貼心…係呢舊野咁就廿蚊…以小食來記就貴啲囉…佢又話平價既﹗北京物價咁貴架咩﹗

睇吓有無緣再行過試埋啲鹹味的~

老金煎餅@開飯/自家HP
***********************************************************