好緊張好緊張﹗本來想睇到尾先出文讚美的,但見到呢一幕我真係忍不住我的激動了﹗見到崔律師又係姓崔時都仲諗…「呀~~~佢客串啫」…典知見到回音…我爆笑了﹗怎麼啦﹗《紳士的品格》呀﹗ 
 
好啦…幾經辛苦終於俾我睇完了﹗
最近追吐在播《紳士》嘛,小的突然被當了做泡劇達人係咁俾人問好無睇,梗係好啦…我指啲小劇場…哈哈哈﹗大部份都笑爆咀架,我最鐘意既係少女時代那一個,崔律師呢頭先鬧另外那三個唔關心正經事走去理少女時代,轉個頭見到秀英(好似係)竟然HIGH到衝埋去同佢講野又扮少時跳舞…笑到我呢…
 
另外一個扮STEVE JOBS都笑死的…
 
呀呀呀呀呀﹗我做乜係咁講《紳士》呀﹗呀呀呀呀呀~~~~~
 
頭劇18集而家睇到14集,入尾段直路的了。好不幸我一早就知女一會選誰,但今次我是覺得男一和男二(咦,是車辯定係修夏係男一呢?)追到強辯(張彗星)我都覺得輸掉的一方好可惜…而我是有點被《秘密花園》影響了,硬覺得修夏望住車辯的眼神好有愛…(咦,看來我有當腐女的潛質了?)
OT…﹗哈哈哈哈﹗UM,想說的是呢套劇雖然有一貫老土的愛情、失憶呀咁,但個故仔環環相扣,寫得好細緻,敗給它了…平時我總係一路睇一路打機睇書做其他野咁,呢套劇少有的我要回帶確認一次我的認知有無錯先可以再前進啊﹗
 
  1. 26年前:黃達鐘疑似殺佢老婆案,只有一隻左手錯入罪了。原來係佢老婆自砍手入老公罪。黃入罪後佢老婆將自己女兒交俾徐法官收養,是為度妍﹗(爆爆爆爆爆爆爆﹗)
  2. 10年前:修夏爸呃閔俊國老婆害她自殺瓜掉… 原來係,修夏爸係個記者,佢老婆同閔俊國老婆都有心臟問題,本來係閔的老婆得到移植先,點知俾修夏爸用傳媒壓力逼醫院將心臟讓俾修夏媽,但修夏媽做完手術後一個月做有排斥反應而死了…
  3. 閔俊國搵修夏爸報復,俾小度妍和彗星見到
  4. 度妍和彗星喺法庭外數一二三,點知入去的只有彗星。呢幕播了一千萬次啦,但爆點是,原來彗星那個說是證據的手提是沒有影到閔俊國的說﹗﹗﹗﹗﹗
  5. 閔俊國入獄。到佢出獄時正是彗星成為國選律師,於是閔俊國和修夏都搵佢
  6. 7年前:(原來仲有個咁既事件…)原來車辯本來係警察,佢千辛萬苦捉了個賊以為有晒證據可以入佢罪,點知當時為當事人辯護的申律師幫個犯打甩咗,車辯嬲到撥C去申律師架車度。後來才知道啲證據係咁啱中落車辯捉的犯人…車辯因為呢件事就轉去做律師,仲以定申律師做榜樣要做國選
  7. 1年前(以第14集嚟計呀,唔知仲會唔會有多個幾年後):閔俊國同修夏有過幾面之緣又打過吓交咁。閔俊國喺搵彗星報復之前先攪佢媽媽。媽媽被攻擊後打俾彗星的最後一個電話看得人很心酸啊﹗呢個賤佬點解可以咁賤架﹗(雖然後來知道修夏爸都不是百份之百無辜後有少少理解到閔俊國點解咁CHOK住條氣既,但冤有頭債有主,彗星媽都太無辜了吧?之後仲有那個甚麼成南女士…)
  8. 修夏喺彗星媽死後搵閔俊國大打一場,點知俾彗星搵到嚟,佢為了唔俾修夏鑄成大錯以身擋刀,中了修夏一刀,而修夏都中了閔俊國一刀﹗(我仲以為修夏失憶係因為受唔住自己竟然刺了彗星一刀添﹗)
  9. 修夏失蹤,閔俊國又唔見咗。
  10. 1年後(=現在了嗎?未睇到尾真係唔知個TIMELINE):修夏成了李東旭藏在鄉吓地方。而警方發現了隻左手疑似係閔俊國的,修夏成了嫌疑犯,而爆點是…佢失憶了…
  11. 原來,閔俊國同黃達鐘係同艙的犯人,佢抄了黃達鐘老婆嫁禍俾佢的故仔,想用自己左手入修夏罪。
  12. 原來1年前修夏真係搵到閔俊國仲差啲殺到佢,跟住閔俊國講出佢搵修夏爸的真相,修夏接受唔到自己阿爸係衰人,衝著走時被車撞到失咗憶…
  13. 又原來,呢個撞到修夏的老人家本來想自首,點知俾閔俊國說服唔好講出嚟,本來撞到人的貨車仲轉埋顏色掩人耳目。修夏就係咁流落在鄉下(但還是梳著那個很潮的髮型﹗),於是閔俊國就可以FING自己隻手出嚟扮係修夏殺了自己,等修夏成為殺人犯…
嘩﹗個TIMELINE幾長﹗本來覺得失憶好娘,但原來是因為修夏接受唔到自己阿爸係衰人所以寧願唔記得了…跟住度妍阿爸原來知道手提入面無影到閔俊國的相,但都照入佢罪﹗難怪佢可以喺閔俊國有無殺彗星阿媽案度搵教度妍自製證據了。跟住搵嚟自製證據的那個黃達鐘,以為佢係二打六咩,原來又跟成個故仔的主線有關連喎﹗

原來,彗星之所以是個無所謂唔信犯人的律師,可能是因為徐法官在手機問題上的偽善了?當跟彗星相反的車辯開始學習彗星,彗星又開始學習車辯,而家又到修夏對係咪事事要發掘真相的方面有疑惑了…
 
我覺得我一路睇就好似失憶緊既修夏咁一路拼番個故仔出嚟,睇到我決定先將追緊ON檔既《半澤直樹》放埋一邊,一次過睇晒先﹗好緊張啊﹗我懷疑,編劇寫呢個故仔時都係好似我咁,將前前後後左左右右的劇情加嚟加去,跟住掉轉啲出場既次序,製造環環相扣的效果﹗哈哈…
 

感情方面,彗星應該是偏向呢個時而小弟時而男友的修夏DIDI了,車辯好慘啊﹗男二的定律是得個桔架嘛﹗佢會唔會同度妍一PAIR呢?





常見劇情之沖涼少了很多啦,取而代之是背心…修夏小弟的大隻度真係OVER了高中生呢…但原來超齡高中生這不是第一回,之前的《學校2013》都係演學生喎﹗咦…我有少少想睇添﹗

BTW,今日原來係修夏(鐘碩)小弟生日喎﹗咁啱既﹗哈哈哈哈﹗

加油呀﹗仲有4集﹗~~~~~~~~

以上。
****************************************************
這個PRODUCT PLACEMENT也太過份了吧﹗都不要只說TBB啦…而這套劇…算是少電話的廣告…冷不防來一場彗星叫修夏飲這個的場口…仲有這樣一個大特寫﹗囧﹗

又應驗了男主角送訂情信物俾女主角就會出大事的理論,這一回是修夏才買了這個,彗星就中閔俊國的圈套去搵佢了…之後修夏又單一匹馬去搵閔俊國…跟住…車辯就同班警察一齊去…而警察係一味等閔俊國郁先FEI佢…真係睇到人心都急埋…究竟閔俊國幾時先俾人捉到呀﹗仲要臨尾都要好似《三個特攻美少年》咁修夏俾閔俊國拉落去喎﹗好在下面開了氣墊啫﹗

原來車辯之所以成為律師都有一段故事嘛…仲要關申律師事添…

大結局閔俊國是被入罪了,跟住又懶係要大結局丙來多個高潮,就說修夏疑似刀刺了彗星被入殺人未遂罪,不過轉頭就無了…。好了,結局都係輕輕鬆鬆鄧梓峰吧,臨尾兩集都好緊張呀﹗大佬…
 
睇得我好開心…呵…

 <--字幕組集集都賣《雷普利小姐》的廣告…個女主角真係太令了…囧﹗

[韓劇]《聽見你的聲音》先開個頭…(1-4)

arrow
arrow
    全站熱搜

    domotoiceko 發表在 痞客邦 留言(0) 人氣()